ياقلبى يا محتار
ما بين جنه ونار
بحر من الافكار
وبير من غير قرار
وليل طويل غريب
ومش طالع له نهار
................
حبيت ياعينى من غير سبب
والحب ده اعجب من العجب
نار بتحرق بس من غير لهب
بيحرك مشاعر وليه القلم كتب
دا ياعينى اللى يلاقيه يحفظه
دا فى غلاوته اغلى من الدهب
........................
حنقول كلام فيه كل الصراحه
حكم وامثال مش ناقصه الفصاحه
سيبك من الحب تعيش فى راحه
رد واحد عقله منتهى الرجاحه
وانت مالك يا اخى هى القلوب
من غير الحب تعيش مرتاحه
...........................
بحبك وححبك يا دنيا من الامل
حياتى من غيرك بحر من الممل
صابر على بلوتى صبر لايحتمل
ماشى لغزه راكب ضهر جمل
واكيد حلقاكى فى نهايه الطريق
بس لازم اكيد من شويه عمل
.....................
ساعات بنحلم والحلم بيكون اجمل من الحقيقه
ان حبنا عايش ومشاعرنا حتفضل دايما رقيقه
وان الساعات اللى بينا حتعدى علينا فى دقيقه
وان ما بينا مش كلام وبس دى روابط وثيقه
ونتفاجئ بعدها ان اللى فات ده وهم وخداع
وان مشاعرنا اللى عشناها فى الوهم غريقه
............................
بحبك يا بحور العشق والحب والهيام
يا اجمل اميره من اميرات الاحلام
حبك حبيبتى نورلى دنيتى بعد ظلام
فانت الهدى لحياتى وامل باقى الايام
حبيبتى لو كان حبك ده مجرد حلم
حانام عمرى كله واشوفك فى المنام
............
ليست هناك تعليقات:
إرسال تعليق